T'agatas in: Domu > Bivi in Crabas > Cresias > Cresia de Santu'Anni

 

Cresia de Santu'Anni

Posta acanta de sa biddighedda de Santu'Anni de Sinis, sa cresia si pesat a sus de una area de campusantu chi in s'antigoriu est stetia primu pagana e acoa cristiana.

Costruia cun s'absidi fachi a levanti totu de predas de anea bianca, presentat unu impiantu generali semplici: sa pianta, de forma retangolari, parit dividia in tres navadas, crobetas de bovidas "a botte" e agabadas de unu transetu issu puru cun sa bovida; innui ddui funtis sa navada centrali e s’unica absidi, cumparit una cupola pitia, poderada de pilastrus alveolaus grossus meda. Is navadas lateralis cumunigant cun cudda de mesu cun tres arcus arrimaus a sus de pilastrus grossus e semplicis; sa cresia est illuminada, in sa navada de mesu, de tres stampus pitius cuadrangolaris abetus in s’absidi, e in su transetu de biforas.

Sa faciada semplici est ravivada in mesu de unu oculu postu a sus de sa ghenna in s'intrada. Su nucleu centrali de sa cresia, costituiu de s’ambienti cupolau, fiat stetiu impiantau fortzis in su V sec. d.C.; a custu iant aciuntu, acanta de su IX sec., s’absidi e is tres navadas crobetas de bovidas "a botte"; in s’XI seculu, sa cresia fuit ristruturada, cun s'inserimentu de elementus in stili romanicu.