Urbanistica
Giuliano Ferrari
Giuliano Ferrari est nasciu in su 1950 e de traballu fait su messaiu. Ferrari est sempri stetiu presenti in sa vida amministrativa de Crabas, ponendi a dispositzioni sa propria cumpetentza de is logus innui at sempri biviu, e triballendi prus de una bota in su Contziullu e in sa Giunta Comunali. Is primus incarrigus importantis chi at tentu in sa Giunta me in is annus 80, candu fiat Assessori a sa Massaria, a sa Pisca, e a su Traficu. Su 1987 est s'annu innui fiat stetiu eletgiu Sindigu de Crabas, incarrigu chi iat poderau fintzas a su 1990. A pustis de unu tempus longu de pausa, in su 2003 si candidat a is Eletzionis po formai su Contzillu Comunali nou, a intru de sa lista guidada de Efisiu Trincas; Ferrari iat arragotu votus meda, chi ddi iant permitiu de ottenni s'incarrigu de Assessori a s'Urbanistica. Su contributu prus mannu giau a s'Amministratzioni Comunali po su rinovu de su PUC, chi in Crabas mancaat de 25 annus, est sceti una patti de sa politica sceberada de Giulianu Ferrari, chi at sempri cricau de promovi su sviluppu edilitziu: de su 2003 a su 2007, infatti, contaus prus de 200 progettus aprovaus dogna annu, po unu totali de 1000 permissus giaus. Funtis stetias costruias prus domus pitias, sempri arrispettendi is divietus de sa Lei Regionali.
