Sport e Spettaculu
Gianfranco Loi
Gianfranco Loi est nasciu in Aristanis su 30 de Mratzu de su 1967. Coiau cun Maria Antonietta Meli e babbu de duus fillus, Gianni Loi triballat de una vida commenti commercianti. De AN fintzas de candu teniat deghiottu annus, Loi adi comintzau a fai su politicu candu s'est candidau a is Eletzionis Provincialis de su 1998, candu non chi fiat arrannesciu a intrai in su Contzillu po una pariga de votus de mancu. Su riscattu arribat in su 2003, candu si candidat a is Eletzionis Comunalis cun sa lista civica guidada de Efisiu Trincas: innia iat tentu meda votus, chi ddi iant permittiu de diventai Assessori a su Sport e a su Spettaculu. Meda funtis is obietivus chi Loi adi sodighiu me in custus annus: si ndi arragodaus de candu adi torrau a cuncodrai sa gestioni de is impiantus sportivus, su modu de finantziamentu de is sociedadis sportivas e, prus importanti ancora, su essi arrannesciu a fai cresci su numeru de is sportivus residentis in su Comuni de Crabas de su 30%. In paris cun s'arrestu de sa Giunta Comunali, Loi adi pentzau puru a unu progettu po restaurai su palatzettu de su sport de Via Tharros, e unu atru po fai torrai nou unu impiantu sportivu acanta de su campu sportivu de Soanas.
