Pisca e Trafficu
Stefano Pinna
Stefano Pinna est nasciu in Crabas su 08/11/1949. Candu iat comintzau a triballai fiat ancora piciocheddu, e po annus est stetiu dipendenti de sa Telecom. Giai Contzilleri chenza de partidu de su 1996, in su 1998 est passau in Forza Italia e s'est candidau a is eletzionis comunalis cun sa lista de Efisiu Trincas, chi una bota diventau Sindigu ddi at giau sa delega a sa Pisca. In su 2001 est stetiu nominau Assessori a sa Pisca e a su Comerciu, unu incarrigu chi at tentu fintzas a oi. De seguru in sa Giunta issu prus de dogna atru cannoscit sa vida crabarissa, una calidadi chi ddi at permitiu de essi unu abili organizadori de sagras, mostras, cunvennius e cunferentzas, po promovi is produtzionis localis. A issu depeus s'istitutzioni de sa fortunada Sagra de sa Butariga e s'intrada de Crabas in sa Comunidadi Natzionali de sa Citadi de s'Ollu. In su tempus de crisi chi est bivendi sa Pisca in Crabas, Stefano Pinna est stetiu sempri unu puntu de riferimentu po is piscadoris crabarissus: est stetiu meda botas a Roma po domandai a is Ministerus su dinai chi ddi srebiat po arrisolvi is problemas de sa pisca, e est stetiu issu unu de is primus in Crabas a torrai a chistionai de su mercau itticu, chi est acanta de aberri, e a fai nasci sa sociedadi po sa gestioni de su Staniu Sinis-Santu Bissenti.
