Traballus Publicus, Urbanistica, Arredu Urbanu e Traficu

Davide Atzori

Davide Atzori nascit in Aristanis su 14 de Santuai' de su 1977, ma at sempri biviu me in Crabas. Diplomau in su 1997 in s'Istitutu Tecnicu Statali po Geometras “Filippo Brunelleschi” me in Aristanis, decidit de sighii sa formatzioni iscriendisì a sa Facultadi de Scientzias Agrarias me in s'Universidadi de is istudius de Sassari. In s'Annu Academicu 2002/03 pigat sa Laurea Magistrali in Scientzias e Tecnologias Agrarias, discutendi una tesi sperimentali a sus de sa cranciofa spinosa sadra, dimostrendi comenti issu at sempri giau atentzioni a is problematicas localis. A pustis de ai superau s'esami de Istadu, s'abilitat a s'esercitziu de sa professioni Dottore Agronomo e Dottore Forestale. Deimoni a innantis at a sighii a fai sa libera professione me in unu studiu privau suu in Crabas. In paris a sa professioni sighit unu tirociniu formativu de unu annu a s'E.R.S.A.T. e comenti de professori a s'Istitutu Professionali Statale po s'Agricoltura e s'Ambienti de Nuraxinieddu me in is cursus de formatzioni professionali. In custus annus non si ndi scarescit de sa bidda sua giendi sempri atentzioni a is problematicas citadinas, cun sa gana de pigai pati ativa. Custa oportunidadi si presentat primu in Cabudanni de su 2005, candu diventat membru de sa Cumissioni Edilitzia de su Comuni de Crabas; a pustis in su 2006, po unu annu, sfrutendi su titulu de Geometra, at a traballai comenti de capu cantieri sempri me in su Comuni de Crabas. Sa passioni e s'attenzione po sa realtadi crabarissa si trasformant in obietivu politicu me in is annus a pustis, grazias a s'amigu Ignazio Manunza e a su Contzilleri Regionali Oscar Cherchi (FI) che biint in Davide Atzori is giustas calidadis po partecipai a sa vida politica. S'ocasioni s'at a presentai cun is ultimas consultatzionis eletoralis de Lamparas de su 2008, po sa formazioni de su Contzillu Comunali de Crabas: Davide si candidat in sa lista “Il Popolo del Centrodestra”. Arragolit 154 preferentzias: sa lista de Cristiano Carrus e de su grupu politicu suu binchint is eletzionis. Su Sindigu nou at giau a Davide Atzori s'incarrigu de Assessori cun delega a is Traballus Publicus, Urbanistica, Arredu Urbanu e Traficu.