Vicesindigu e Assessori a sa Pisca

Mario Atzori

Mario Atzori nascit in Crabas su 22 de Maiu 1950. Pigat su diploma de maturidadi classica in s'annu scolasticu 1969/70 e su diploma de laurea in Scientzias Biologicas cun su votu de 110/110 e lodi in s'annu 1974. De su 1975, cun sa parentesi de sa leva militari in s'arma de su Geniu cun su gradu de sottotenenti, comintzat a fai su professori de scientzias matematicas, chimicas, fisicas e naturalis me in iscola. De su 2007 est intrau in pensioni. S'atividadi politica de Mario Atzori comintzat in su 1990 cun s'eletzioni a Contzilleri Comunali de Crabas, atividadi chi sighit a fai fintzas a oi. Me in is utimus duus decennius di fatis est stetiu Contzilleri de magiorantza, Contzilleri de minorantza Assessori cun diversas cumpetentzias assessorialis e at tentu sa delega generali de Vicesindigu cun funtzionis de Sindigu. De su 1995 a su 2000 est stetiu Contzilleri de sa Provincia de Aristanis, in su grupu consiliari de Forza Italia, fendi pati de sa cumissioni bilanciu e de sa cumissioni pisca. Is ideas politicas suas funtis collocadas me in is ideologias de is partidus de centru-destra e prus precisamenti in cussas de Forza Italia mancai, po diversus motivus, est stetiu puru acanta de atrus partidus de centru-destra.